Elkano 500 Fundazioak, Getariako Udalarekin batera, kultur aniztasunaren inguruko solasaldia antolatu du. Mundubiraren ubera ekimenaren barnean antolatutako hitzaldia da. Nelson Aguilera antropologo txiletarra izango da hizlaria, eta saioa etzi, osteguna, 19:00etan hasita herri eskolako aretoan izango da.
Aguilera Universidad Austral de Chiletik dator, eta “Tras el primer encuentro” izenburupean jatorrizko herrien eta gizarte menderatzailearen artean sortutako harremanen inguruan hitz egingo du. Moderatzaile lanetan, berriz, Martxelo Otamendi, Berria egunkariko zuzendaria, arituko da. Solasaldia gazteleraz izango da.