Pasa den igandean 93 pertsona erreskatatu ondoren, astelehenean, Mediterraneo itsasoaren erdian, beste 60 erreskatatu ditu Aita Mari ontziak. Orain, guztiak batera, GKEaren ontzian, 153 pertsona daude. Lehorreratzeko portu baten esleipenaren zain egon ondoren, atzo jaso zuten hainbeste itxaroten ari ziren albistea. Italiako autoritateek Messinan (Sizilia) porturatzeko baimena eman diote Aita Mariri. Beraz, euren norabidea zehaztuta, italiar hirirako bideari ekin dio. Itsasoaren egoera kontuan izanda, portura bihar iritsiko direla aurreikusten dute. Argazkia: Itsas Laguntza Humanitarioa
Aita Mari ontziak Messinan porturatzeko baimena jaso du
