San Prudentzioko Lagunak taldeak egitarau zabala prestatu du apirileko azken astebururako; ostiralean eta larunbatean, hilaren 29an eta 30ean, ekitaldi ugari antolatu dituzte. Dagoeneko, Harritarten daude salgai larunbatean egingo den bertso bazkarirako sarrerak. Hauxe prestatu duten egitaraua:

Ostirala

  • 21:30etik aurrera, Lapulapu saria, Pro Wrestling Euskadi Show ikuskizuna eta Traktoburgerra.

Larunbata

  • 11:00etan hasita, Urritza Aisialdi Taldeak antolatuta altxor bilaketa. Haur Hezkuntzako laugarren eta bosgarren mailako haurrek eta Lehen Hezkuntzako lehenengo eta bigarren mailakoek hartu dezakete parte.
  • Txaranga giroa alaitzen izango da.
  • 13:00etan, Gure Txeruren dantza emanaldia.
  • 14:30ean, bertso bazkaria Maialen Lujanbio eta Andoni Egañarekin. Menua: zurrukutuna; zikiroa; gazta eta irasagarra; akeita eta kopa; eta sagardoa, ardoa eta ura. Sarrerak Harritarten daude erosgai 22 euroren truke.
  • Ondoren, Naparjito festa: TikTara, eta Malakias eta Maixa taldeak.