Joan den azaroaren 26an aurkeztu zuten Getariako Udalak eta Artzape Euskara Elkarteak, elkarlanean, osatutako 2023ko egutegia. Emakumeak dira egutegiko protagonistak eta aurkezpen ekitaldian azaldu modura, bi onarri nagusi izan ditu proiektuak: emakumeen ahalduntzea bultzatzea eta indarkeria matxista salatzea.
Aurrez jakinarazi modura, egutegiak etxez etxe banatuko dituzte. Hain zuzen, datozen egunetan horretan arituko dira. Hala, urte berria hasterako, etxe guztietan egongo da egutegiaren ale bat.