Jende ugari San Antonetako lehen ekitaldietan

Txakolinaren uzta berriaren aurkezpena, eta ondorioz egun handia, osteguna izango bada ere, jende ugari erakarri dute San Antonen aitzakian asteburuan egindako ekintzek. Azken urteetako hutsunearen ondoren, pilota partidak izan dira berriro, Binakako Txapelketakoak; zaleek frontoia bete zuten ostiral gauean. Igandean, berriz, ohi moduan, bertso saioa izan zen Balenciaga Museoan. Honetan ere ia aulki guztiak bete ziren Danel Olano, Amets Arzallus, Onintza Enbeita, Aimar Karrika, Alaia Martin eta Unai Iturriaga entzuteko.