Familiarekin bizi izan du udal hauteskundeetako boto kontaketaren unea Iosu Mugikak, haiei kanpainan zehar kendutako denbora nolabait itzuli nahian. Ez ditu esperotako emaitzak lortu EAJ-PNVk, boto kopuruan gora egin badu ere, tartea gehiago murriztea aurreikusten zutelako.
Kanpaina bukatuta, sortutako tirabirak argitzeko ere baliatu du balorazio momentua eta, besteak beste, argitu du bi alderdien arteko mahai-inguruarekin gertatua ez dela “balio” kontu bat izan, antolaketarena baizik. Bihartik aurrera udalean lanean jarraituko dutela iragarri du, beraien programa “ahalik eta gehien gauzatzeko”.