Ordu gutxi batzuk besterik ez dira geratzen 23. Korrika herrira heltzeko. Zehazki, bihar goizaldeko 01:36an iritsiko da Ubirira eta bertan, Presoen Lagunak taldeak hartuko du lekukoa; bera izango dira lekukoa hartzen, lehen eragile getariarra. Handik, herrigunera etorriko da Korrika.
Arratsaldean zehar, eta Korrika iritsi bitartean, Getaiko Gazte Asanbladak hainbat ekintza antolatu ditu herrian. 19:00etan hasita, parrillada egingo dute plazan eta gauean zehar, frontoian, jolasak. Gauerdia pasata, 00:30ean, beroketei ekingo diote eta 01:30ean denak Korrikara batuko dira. Korrika igaro ostean, berriz, txokolate beroa banatuko dute bertaratuen artean.
Lotutako albisteak:
- Euskararekiko harrotasunez bete dituzte kaleak getariarrek.
- N-634 errepidea irekita, Korrika ere bertatik helduko da herrira.
- UEMAk Korrikari buruzko diptikoak banatu ditu Iturzaeta Herri Eskolan, 12 hizkuntzatan.
- Korrikaren amaierara joateko autobusa antolatu dute eskualdetik.